TNS línan frá Le Creuset

Til að vernda pönnuna er mælt með því að nota sílikon áhöld, einnig má nota viðar- eða hitaþolin plast áhöld. Hnífar, eða áhöld með beittum brúnum, ætti aldrei að nota á TNS vöru.

Mælt er með að nota pottinn/pönnuna á lágum til miðlungshita. Leyfið pottinum/pönnunni að hitna hægt og rólega, varist snöggar hitabreytingar þar sem það getur stytt líftíma húðarinnar.

Hentar til notkunar í allar gerðir hefðbundinna ofna (hentar ekki fyrir örbylgjuofna). Ofnþolið er allt að 260°C (220°C með glerloki).

Við þrif er mælt með að kæla pönnuna í nokkrar mínútur áður en hún er þrifin. Ekki fylla pönnuna með köldu vatni þegar hún er heit. EKKI nota málm eða mjög stífa púða/uppþvottabursta. Mælt er með að vaska upp pönnuna með sápuvatni frekar en að setja í uppþvottavél, með því lengist endingin á non-stick húðinni.

Athugið að eftirfarandi fellir ábyrgð úr gildi:

• Tjón eins og slit af völdum eðlilegrar notkunar, óhappa eða misnotkunar.
• Rispur, blettir, litabreytingar eða skemmdir vegna ofhitnunar, bæði að innan og utan á pönnu. Skemmdir vegna ofhitnunar eru samstundis auðþekkjanlegar.