Steypujárnspottar og pönnur frá Le Creuset

Fyrsta notkun

Áður en potturinn/pannan er tilbúin til notkunar skal þvo vöruna með heitu vatni og sápu, skola og þurrka vel.

Notkun

Le Creuset steypujárn má nota á allar gerðir helluborða. Steypujárnið má ekki fara inn í örbylgjuofn. Ef þú ert með keramik helluborð skal ávallt lyfta pottinum/pönnunni en ekki renna eftir helluborðinu, það getur rispað hellu-borðið eða botninn á pottinum/pönnunni. Vökvi, smjör eða olía ætti að þekja botninn áður varan er hituð. Varist að leyfa vökvanum að þorna upp í pottinum/pönnunni þar sem það getur skemmt emeleringuna.

Hitabreytingar

Mælt er með að nota pottinn/pönnuna á lágum til miðlungshita. Leyfið vörunni að hitna hægt og rólega, varist snöggar hitabreytingar þar sem það getur skaðað emeleringuna. Háan hita ætti eingöngu að nota til þess að sjóða vatn eða til að þykkja soð/sósur. Svörtu hnúðarnir frá Le Creuset þola allt að 250°C en ryðfríu stálhnúðarnir þola ótakmarkaðan ofnhita.

Þrif

Látið vöruna kólna vel áður en hún er þvegin með volgu sápuvatni, skolið vel og þurrkið vandlega. Aldrei ætti að setja kalt vatn beint á heitt yfir-borðið, snögg hitabreyting af þessu tagi getur valdið sprungum eða skemmdum í emeleringunni.

Ef matarleifar sitja eftir á vörunni ætti að fylla hana með heitu vatni og láta liggja í 15-20 mín. Notið nælonsvamp eða mjúkan uppþvottabursta til að fjarlægja það sem situr eftir.

Á erfiða matarbletti má nota matarsóda eða sérstakan hreinsi frá Le Creuset. Aldrei ætti að nota stálull eða setja vöruna í uppþvottavél þar sem það getur skemmt emeleringuna.